Hadisə
Pleyeri seçin:
Gəmi zavodundakı dəhşətli hadisənin yeni detalları məlum oldu
“Azərbaycan Xəzər Dəniz Gəmiçiliyi” Qapalı Səhmdar Cəmiyyətinin “Zığ” Gəmi Təmiri və Tikintisi Zavodunun 61 saylı üzən tərsanəsində qazdan zəhərlənərək həyatını itirən 5 nəfərin kimliyi məlum olub.
Bu barədə qurumun “Facebook”dakı səhifəsində məlumat verilib.
Ərazidən Tural Səfərəliyev, Orxan Şahbazov, Namik Yolçuyev, Teyyub Ağayev və Samid Məmmədovun meyiti çıxarılıb.
Həmçinin hadisə ilə bağlı bəzi detallar məlum olub. Belə ki, üzən tərsanədə işləyən 4 işçidən səs gəlmədiyini görən növbədə duran Namik Yolçuyev həmkarlarının arxasınca tərsanənin nasos bölməsinə daxil olub, lakin o da qazdan zəhərlənərək həyatını itirib.
“Hadisənin baş vermə səbəbləri haqqında araşdırmalardan sonra daha ətraflı məlumat veriləcək”, – deyə qurumun yaydığı məlumatda bildirilib.
Kopyalandı
Seçilmişlər
