Gəncədə dəhşətli qəza: 9 nəfər təxliyə edildi

Gəncədə yol-nəqliyyat hadisəsi baş verib.

Sərnişin avtobusu yolun kənarındakı xəndəyə düşərək aşıb. Hadisə zamanı xəsarət alan şəxslərin bəzilərinin kimliyi məlum olub.

Baş verən hadisə zamanı – 1972-ci il təvəllüdlü Səbinə Həsənova, 1988-ci il təvəllüdlü Gülay Verdiyeva, 1985-ci il təvəllüdlü Emin Hüseynov, 1988-ci il təvəllüdlü Elnarə Ələkbərova, 2007-ci il təvəllüdlü Gülay Hüseynova və 2006-cı il təvəllüdlü Gülçin Alıyeva xəstəxanalara yerləşdiriliblər.

Xəsarət alan altı nəfər akademik Zülfüqar Məmmədov adına Xəstəxanaya, iki nəfər Abbas Səhhət adına Xəstəxanaya, bir nəfər isə Uşaq Xəstəxanasına təxliyə olunub. Onların hər birinə zəruri tibbi xidmətlər göstərilib.

Qeyd edək ki, sərnişin avtobusunun düşdüyü 15 metr dərinliyindəki xəndək şəhərin mərkəzində 10 ilə yaxındır ki, bina tikintisi üçün qazılsa da, ərazidə tikinti işləri aparılmayıb. Xəndəyin ətrafı müvəqqəti olaraq çəpərlənib. Hadisə ilə bağlı araşdırmalara başlanılıb.