Gəncədə güclü yanğın | 4 mənzilin sakinləri evsiz qaldı

Fövqəladə Hallar Nazirliyinin “112” qaynar telefon xəttinə Gəncə şəhərində yerləşən bir-birinə bitişik tikilmiş evlərdə yanğın baş verməsi barədə məlumat daxil olub.

Qurumdan bildirilib ki, məlumatla əlaqədar dərhal FHN-in Dövlət Yanğından Mühafizə Xidmətinin Gəncə Şəhər Yanğından Mühafizə İdarəsinin qüvvələri əraziyə cəlb olunub.

Baş vermiş yanğın əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində daha geniş sahəyə yayılmasına imkan verilmədən söndürülüb.

Yanğın nəticəsində ümumi sahəsi 70 kvadratmetr olan 1 mərtəbəli 3 otaqlı evin hamamının tavanı və dam örtüyünün yanar konstruksiyaları 10 kvadratmetr sahədə, ümumi sahəsi 50 kvadratmetr olan 1 mərtəbəli 2 otaqlı evin 1 otağının və dam örtüyünün yanar konstruksiyaları 15 kvadratmetr sahədə, ümumi sahəsi 75 kvadratmetr olan 1 mərtəbəli 4 otaqlı evin dam örtüyünün yanar konstruksiyaları, ümumi sahəsi 60 kvadratmetr olan 2 mərtəbəli (hər mərtəbəsi 30 kvadratmetr) 4 otaqlı evin dam örtüyünün yanar konstruksiyaları yanıb.

Evlərin qalan hissəsi və bitişik digər evlər yanğından mühafizə olunub.