Gəncədə mağaza yandı

Gəncədə yanğın baş verib.

Şəhərin Natəvan qəsəbəsində qeydə alınan hadisə zamanı İlham Həsənova məxsus, ümumi sahəsi 112 m² olan kənd təsərrüfatı məhsullarının satışı mağazası yanıb.

Əraziyə dərhal Fövqəladə Hallar Nazirliyinin Gəncə və Samux Dövlət Yanğından Mühafizə Xidmətinin yanğınsöndürənləri cəlb olunub. Hadisə nəticəsində mağazanın 36 m² sahədə yanar konstruksiyaları, eləcə də içərisindəki 1,5 ton məhsul yanıb. Yanğın söndürülüb, tikilinin qalan hissəsi yanğından mühafizə olunub.

Hadisənin səbəbləri hələlik məlum deyil. Obyekt sahibi İlham Həsənov isə iddia edir ki, mağaza qəsdən yandırılıb.