Gəncədəki partlayışla bağlı detallar | Son vəziyyət necədir?

Gəncə şəhəri, İsaq Cəfərov küçəsində yerləşən beşmərtəbəli yaşayış binasında baş vermiş partlayışla əlaqədar Fövqəladə Hallar Nazirliyinin Gəncə Regional Mərkəzi və Dövlət Yanğından Mühafizə Xidmətinin qüvvələri dərhal əraziyə cəlb olunub.

FHN-dən bildirilib ki, dağıntı altından dörd nəfər sağ çıxarılaraq təcili tibbi yardım briqadasına təhvil verilib.

Hadisə nəticəsində iki nəfər həyatını itirib: “9 mənzilə ziyan dəyib, 6-sı yararsız vəziyyətdədir. Hadisəyə səbəb qaz sızıntısının olması güman edilir”.

Faktla bağlı aidiyyəti qurumlar tərəfindən araşdırma aparılır.