Göygöldə toydan qayıdarkən qəza | Ölən və yaralananlar var

Göygöl rayon Üçtəpə kəndində ağır yol-nəqliyyat hadisəsi olub.

Toy mərasimindən qayıdan avtomobil karvanında olan nəqliyyat vasitələrindən biri digər avtomobillə toqquşub.

Xəsarət alanlar Gəncə şəhərində yerləşən xəstəxanalardan birinə çatdırılıblar. Tibbi yardımlara baxmayaraq, yol-nəqliyyat hadisəsi nəticəsində xəsarət alanlardan biri – 1998-ci il təvəllüdlü Cavid Mürsəlovun həyatını xilas etmək mümkün olmayıb. Digər xəsarət alan şəxslər – 1998-ci il təvəllüdlü Ruslan Rüstəmov və 22 yaşlı Ələkbər Orucovun müalicəsi davam etdirilir.

Qeyd edək ki, toy mərasimindən qayıdan şəxslərin olduğu BMW markalı avtomobil “VAZ-2106” markalı avtomobillə toqquşub, sonra idarəetmədən çıxaraq yol kənarındakı ağaca çırpılıb. Zərbənin gücündən nəqliyyat vasitəsində olanlardan birinin avtomobildən çıxaraq bir neçə metr kənara düşdüyü bildirilib. Faktla bağlı araşdırma aparılır.