Göygöldəki kütləvi zəhərlənmənin təfərrüatı məlum oldu

Göygöldə 10 yaşlı uşaq dərmandan zəhərlənərək ölüb. Hadisə rayonun Balçılı kəndində baş verib.

63 yaşlı Mətanət Qasımova nəvələrinin başına saç bitlərini öldürmək üçün “Niastol” adlı dərman vurub. Nəticədə 10 yaşlı Aydan Orucova zəhərlənərək ölüb. 8 yaşlı Simuzər Vəliyeva və 6 yaşlı Fidan Qasımzadə isə Gəncə Şəhər Uşaq Xəstəxanasına yerləşdirilib.

Qeyd edək ki, Səhiyyə Nazirliyi Analitik Ekspertiza Mərkəzindən Dərman Vasitələrinin Dövlət Reyestrində “Niastol” adda məhsulun qeydiyyatdan keçmədiyi və idxalına icazə verilmədiyi bildirilib. Məlumatda bu kimyəvi preparatın baytarlıqda mal-qaranın dezinfeksiyası üçün istifadə olunduğu da vurğulanıb.