Güclü küləyin Qəbələdə yaratdığı fəsadlar belə aradan qaldırılır

Ötən gündən başlayaraq Azərbaycanda hökm sürən qeyri-sabit hava şəraiti bir sıra fəsadlara yol açıb.

Bu barədə Fövqəladə Hallar Nazirliyi məlumat yayıb.

Bildirilib ki, güclü külək səbəbindən Qaraməryəm-İsmayıllı-Şəki magistral avtomobil yolunun Qəbələ rayonunun Nohurqışlaq kəndi ərazisindən keçən hissəsində irigövdəli ağac aşıb. Nəticədə magistral yolda hərəkət dayanıb.

Əraziyə cəlb edilmiş Şimal-qərb Regional Mərkəzinin xilasediciləri tərəfindən müvafiq vasitələrlə aşmış ağac hissələrə kəsilərək yoldan götürülüb, bununla da magistral yolda sərbəst hərəkətin bərpası təmin edilib.