Hadisə
Pleyeri seçin:
Hacıqabulda zəncirvari qəza | Yaralananlar var
Bakı-Qazax yolunda zəncirvari qəza olub, xəsarət alanlar var.
Hadisə Bakı-Qazax yolunun Hacıqabul rayonunun Padar kəndi ərazisindən keçən hissəsində qeydə alınıb.
Belə ki, Gəncə istiqamətində hərəkətdə olan “Mercedes-Benz” markalı mikroavtobus, “Toyota”, “Fiat” və “Opel” markalı minik avtomobilləri toqquşub.
Hadisə nəticəsində avtomobillərdə olan 5 nəfər – 43 yaşlı Fərqanə Bayramova Lətif qızı, 34 yaşlı Türkanə Qurbanova Səfi qızı, 36 yaşlı Ramilə Daşdəmirova Əli qızı, 68 yaşlı Arif Rüstəmov Lətif oğlu və 54 yaşlı Qərənfil Məmmədova Lətif qızı müxtəlif dərəcəli ağır bədən xəsarətləri alaraq Kürdəmir Rayon Mərkəzi Xəstəxanasına aparılıb və həkim nəzarətinə götürülüblər.
Hazırda faktla bağlı araşdırma aparılır.
Kopyalandı
Seçilmişlər
