“Hamısına rüşvət vermişəm, kimə istəyirsən, de!” | “Faktor Lizinq” sakinlərin evini əlindən alıb?

"Faktor Lizinq" şirkəti ilə bağlı növbəti qalmaqal ölkə gündəmini sarsıdıb. "Baku TV"-nin araşdırmasına görə, çox sayda sakin şirkətin qanunsuz əməlləri nəticəsində evsiz qalmaq təhlükəsi ilə üzləşib. Zərərçəkənlərin iddiasına görə, şirkət rəsmiləri açıq şəkildə "Hamıya rüşvət vermişəm, kime istəyirsən de" deyərək vətəndaşları təhdid edir və onların mülkiyyət hüquqlarını tapdalayırlar. Aldadılan sakinlər "Baku TV" vasitəsilə aidiyyəti qurumlara səslənərək, illərdir topladıqları vəsait hesabına aldıqları mənzillərin əllərindən alınmasına etiraz edirlər.

Hadisə yerindən hazırlanan xüsusi reportajda lizinq şirkətinin iş mexanizmi, vətəndaşların necə tələyə salınması və hüquqşünasların bu məsələ ilə bağlı rəyləri təqdim olunur. Şikayətçilər bildirirlər ki, şirkət rəhbərliyi qanunları heçə sayaraq özbaşınalıq nümayiş etdirir. "Baku TV"-nin videomaterialında "Faktor Lizinq" ətrafında dönən şübhəli oyunlar, sakinlərin çarəsiz fəryadı və məsələnin hüquqi tərəfləri ətraflı təhlil edilir. Vətəndaşların evlərini geri almaq şansı varmı? Cavablar bizim süjetdə.