Həcc ziyarətində dəhşətli hadisə | Qafqaz Müsəlmanları İdarəsi məlumat yaydı

Həcc ziyarətində olan iki azərbaycanlı xəsarət alıb.

Oxu.az xəbər verir ki, iyunun 14-ü Məkkədə hoteldə qalan iki zəvvar qadın liftin şaxtaya düşməsi nəticəsində yaralanıb.

Qafqaz Müsəlmanları İdarəsinin Xarici əlaqələr şöbəsinin müdiri Vüsal Cahangiri bildirib ki, xəsarətalanların sağlamlıq durumunda ciddi problem yoxdur.

Qeyd edək ki, Azərbaycandan Həcc ziyarətinə səfər iyunun 4-dən başlayıb. Ümumilikdə 1500 azərbaycanlı təyyarələrlə iyunun 10-dək Məkkəyə çatdırılıb. Həcc ziyarətinin başa çatmasından sonra zəvvarlar təyyarə reysləri ilə iyulun 2-dək Vətənə qayıdacaqlar.