Həkimlə etdiyi dava qanla bitdi | Zaqataladakı dəhşətli hadisənin səbəbi

Zaqatalada 64 yaşlı kişi əvvəlcə 78 yaşlı həkimi, sonra özünü güllələyib.

Hadisə avqustun 27-si saat 9 radələrində baş verib.

Əməli törətməkdə şübhəli bilinən, 1960-cı il təvəllüdlü Həsən Davudov Tariyel Əhmədovu odlu silahla qətlə yetirdikdən sonra həmin ov tüfəngi ilə özünü öldürüb.

Hadisə Tariyel Əhmədovun qızının evində qeydə alınıb.

Tariyel Əhmədovun Zaqatalada tanınmış həkim olduğu, bir neçə il əvvəl təqaüdə çıxdığı bildirilir.

Mərhumun qohumunun sözlərinə görə, hadisə pul üstündə yaranan münaqişə zəminində baş verib.

Faktla bağlı Zaqatala rayon prokurorluğunda Cinayət Məcəlləsinin qəsdən adam öldürmə və özünü öldürmə həddinə çatdırma maddələri ilə cinayət işi başlanaraq istintaq aparılır.