Həyətində narkotik tərkibli bitki əkən şəxs tutulub

Şəmkirdə narkotik vasitələrin kultivasiyası ilə məşğul olan şəxs saxlanılıb. Polis həmin şəxsin həyətindən xüsusi qaydada becərilmiş 9 ədəd çətənə kolu aşkarlayıb.

Şəmkir rayon polis şöbəsinə Könüllü kənd sakini Tanrıverdi Verdiyevin yaşadığı evin həyətində narkotik tərkibli bitkilər yetişdirməsi barədə əməliyyat məlumatı daxil olub. Sözügedən ünvana baxış keçirən polis məlumatın doğru olduğunu üzə çıxarıblar. Müəyən edilib ki, Verdiyev bir neçə ay əvvəl həyətində narkotik tərkibli bitkilər əkərək onlara aqrotexniki qaydada qulluq göstərib.

SINX-Mehrab Məmmədov baş müstəntiq

Tanrıverdi Verdiyevin xüsusi qulluq edib yetişdirdiyi çətənə kollarının hündürlüyü 1 metr - 1 metr 60 santımetr arasında olub. Həmin kollar aqronom və hal şahidlərinin iştirakı ilə kökündən çıxarılaraq ekspertizaya göndərilib. Verdiyev bir neçə ildir narkotik maddə istifadəçisi olduğunu və bitkiləri də özü üçün əkdiyini deyib.

SINX-Tanrıverdi Verdiyev saxlanılan şəxs

Saxlanılan şəxs barəsində Cinayət Məcəlləsinin müvafiq maddələri ilə iş açılıb, istintaq aparılır.

Nazir Quliyev