İdarəetmədən çıxan avtomobil qəzaya uğradı

Kürdəmirdə ağır yol qəzası baş verib. Hadisə Bakı-Qazax magistral yolunda, rayonun Sığırlı kəndindən keçən hissəsində qeydə alınıb.

Belə ki, 34 yaşlı Abbasov Zabil Xanlar oğlu idarə etdiyi “Qazel” markalı yük maşını ilə Gəncə istiqamətində hərəkətdə olarkən qəfildən idarəetməni itirib və avtomobil yol kənarındakı hasara, daha sonra “DAF” markalı qoşqulu yük maşınına çırpılıb.

Nəticədə sürücü Zabil Abbasov, onun sərnişinləri – 42 yaşlı Rüstəm Həsənov və 32 yaşlı Elçin Əliyev xəsarət alaraq Kürdəmir Rayon Mərkəzi Xəstəxanasına çatdırılıb. Zabil Abbasovla Elçin Əliyevin vəziyyəti hazırda ağır olaraq qiymətləndirilir. Faktla bağlı araşdırma aparılır.