Pleyeri seçin:
İki avtomobil toqquşub, 5 nəfər yaralanıb
Xəbərlərimizi Google-da izləyin
Yeniliklərdən dərhal xəbərdar olun
Bakının Nizami rayonunda 2 avtomobil toqquşub, 5 nəfər yaralanıb.
Metronun “Qara Qarayev” stansiyası yaxınlığında “Mercedes” və “BMW” markalı minik avtomobilləri toqquşub. Zərbənin təsirindən avtomobillər arakəsməyə çırpılıb.
Qəza zamanı yaralanan 1979-cu il təvəllüdlü Rəhmanov Rasim Muxtar oğlu və 23 yaşlı Bilalov Azər Aydın oğlu 3 saylı Şəhər Klinik Xəstəxanasına çatdırılıb. Rasim Rəhmanova sağ ayağın sınığı, sağ baldırın əziyi, Azər Bilalova isə göz qapağının əzilmiş-sıyrılmış yarası diaqnozu qoyulub.
“Mercedes” markalı avtomobildə olan 7 yaşlı İsmayılova Xədicə Ramil qızı, onun qardaşı 3 yaşlı İsmayılov Turqay Ramil oğlu və 1985-ci il təvəllüdlü Qurbanova Sitarə Novruz qızı təcili olaraq 1 saylı Klinik Tibbi Mərkəzə yerləşdirilib.
Faktla bağlı araşdırma aparılır.
Kamil Əmirli
Elşad Mətləboğlu
Kopyalandı
Seçilmişlər
