Hadisə
Pleyeri seçin:
İllər öncəki hadisə cinayətə səbəb oldu | Orbubadda dəhşətli qətl
İyunun 13-də Ordubad rayonunun Unus kəndində bıçaqlanma hadisəsi qeydə alınıb.
Araşdırmalarla 1976-cı il təvəllüdlü Rəsulov Bəxtiyar Sərdar oğlunun qisas motivi ilə həmkəndlisi 1974-cü il təvəllüdlü Tağıyev İbrahim Əsədullah oğluna bıçaq xəsarəti yetirərək qəsdən öldürməsinə əsaslı şübhələr müəyyən edilib.
B.Rəsulov şübhəli şəxs qismində tutulub. İlkin məlumata görə, uzun illər öncə İbrahim Tağıyev Bəxtiyar Rəsulovun dayısını qətlə yetirib və məhkumluq həyatı yaşayıb.
Məhkumluq həyatından sonra bir müddət Türkiyədə yaşayan İbrahim Tağıyev kəndə qayıdıb və Bəxtiyar Rəsulov tərəfindən bıçaqlanaraq öldürülüb.
Faktla bağlı Ordubad rayon prokurorluğunda Cinayət Məcəlləsinin qəsdən adam öldürmə maddəsi ilə cinayət işi başlanaraq ibtidai istintaq aparılır.
Kopyalandı
Seçilmişlər
