İnstaqrama görə arvadını qətlə yetirdi

2021-ci ildə Fəridə Qasımovanın əri Ehtibar Qasımov tərəfindən qətlə yetirilməsi barədə Suraxanı Rayon Prokurorluğuna məlumat daxil olub.

Cinayət Məcəlləsinin qəsdən adam öldürmə maddəsi ilə cinayət işi başlanılıb. F.Qasımovanın bədənində 7 ədəd bıçaq yarası aşkar edilib.

E.Qasımov 2020-ci ilin yay aylarında Fəridədən şübhələnib, qəflətən yataq otağına keçəndə, qadın “Instagram”dan çıxa bilmədiyi üçün ekranda “Həsən” adlı profili və həmin oğlanla ikisinin birlikdə şəkillərini görüb. Fəridə ona guya şəkilləri montaj etdiyini və həmin oğlanı tanımadığını deyib.

2021-ci il yanvarın 30-u gecə saat 1 radələrində Ehtibar Qasımov özünə aid mobil telefonda Fəridə Qasımovanın “Instagram” şəbəkəsində “Qaqaş Seyfəlov” adlı profildəki şəxslə yazışdığını görüb və buna görə onu döyüb.

“Instagram” hesabının kodunu soruşanda arvadı bunu söyləməyib. Bu zəmində onu öldürmək məqsədilə yumruq və təpik zərbələri ilə bədən xəsarətləri yetirib. Mətbəxdən bıçağ götürdüyünü görən qadın evdən çölə qaçsa da, onun bədənin müxtəlif nahiyələrinə çoxsaylı zərbələr endirib.

İş üzrə dindirilmiş E.Qasımov bildirib ki, yoldaşının şəxsi mobil telefonu olmadığından sosial şəbəkələrə onun telefonundan daxil olub. O, sosial şəbəkədə arvadının yazışdığı şəxsi tanımadığını bildirib.

Bakı Ağır Cinayətlər Məhkəməsinin hökmü ilə E.Qasımov cəzasını ciddi rejimli cəzaçəkmə müəssisəsində çəkməklə 10 il 6 ay müddətinə azadlıqdan məhrum olunub.