Keçmiş məhkum saxlanıldı | Binəqədi polisindən təcili məlumat

Binəqədidə xanım sürücünün avtomobilindən pul və kosmetik əşyalar oğurlayan şəxs saxlanılıb.

Polisə müraciət edən qadın sürücü avtomobilindən 1 670 manat, 3 000 dollar, 2 ədəd mobil telefon və kosmetik vasitələr olan çantanın oğurlandığını bildirib.

Binəqədi Rayon Polis İdarəsi 43-cü Polis Bölməsi əməkdaşlarının həyata keçirdikləri tədbirlərlə oğurluq əməlini törətməkdə şübhəli bilinən, əvvəllər də oğurluq və narkotiklərlə əlaqəli cinayətə görə məhkum olunan 1975-ci il təvəllüdlü Zakir Əliyev müəyyən olunaraq saxlanılıb.

Faktla bağlı araşdırma aparılır.