Kürdəmirdə ağır yol qəzası | Hadisə yerindən görüntülər

Kürdəmirdə ağır yol qəzası baş verib.

Hadisə Bakı-Qazax yolunun rayonun Xırdapay kəndindən keçən hissəsində qeydə alınıb.

Belə ki, “Niva” markalı maşının sürücüsü Kürdəmir istiqamətində olarkən qəfildən idarəetməni itirib. Nəticədə avtomobil yoldan çıxıb və bir neçə dəfə firlanaraq aşıb.

Qəza zamanı avtomobildə olan iki nəfər – Füzuli rayon sakinləri 28 yaşlı Rzazadə Asim Eyvaz oğlu və 27 yaşlı Məmmədli Fərid Səyyah oğlu müxtəlif dərəcəli ağır bədən xəsarətləri alıblar. Yaralılar dərhal təcili tibbi yardım maşınının köməyi ilə Kürdəmir Rayon Mərkəzi Xəstəxanasına aparılıb və həkim nəzarətinə götürülüb. Hazırda faktla bağlı araşdırma aparılır.