Kürdəmirdə dəmir yolunda əl qumbarası aşkarlanıb

Kürdəmirdə açıq ərazidə əl qumbarası aşkarlanıb.

Partlayıcı Bakı-Gəncə dəmir yolunun rayon ərazisindən keçən hissəsində tapılıb. Dəmir yolu xəttində çalışan işçilər DİN-in “102” qaynar xəttinə zəng ediblər.

Əraziyə polis bölməsinin və FHN-in yerli əməkdaşları cəlb olunub. Ərazinin təhlükəsizliyi dərhal təmin olunub və insanların gediş-gəlişi məhdudlaşdırılıb.

Bundan sonra əraziyə ANAMA-nın əməkdaşları dəvət olunub. Faktla bağlı araşdırma aparılır.