Lənkəran icra başçısının qardaşının qətli məhkəmədə

Lənkəran Rayon İcra Hakimiyyətinin başçısı Taleh Qaraşovun qardaşı Azər Qaraşovun qətli ilə bağlı cinayət işi üzrə məhkəmə prosesi keçirilib.

Lənkəran Ağır Cinayətlər Məhkəməsinin hakimi Cəlil Nəbiyevin sədrliyi ilə onlayn qaydada keçirilən hazırlıq iclasında təqsirləndirilən şəxsin anket məlumatları dəqiqləşdirilib.

Atası Azər Qaraşovu öldürməkdə təqsirləndirilən Azay Qaraşovun vəkili vəsatət qaldıraraq ailə sirlərinin açıqlanmaması səbəbi ilə məhkəmənin sonrakı iclaslarının qapalı keçirilməsini istəyib.

Vəsatət təmin edilərək məhkəmənin qapalı keçirilməsi qərara alınıb. Baxış iclası fevralın 6-na təyin edilib.