Lənkəranda iranlıya narkokuryerlik edən şəxs saxlanıldı | DİN məlumat yaydı

Lənkəranda narkokuryerlikdə şübhəli bilinən şəxs yaxalanıb.

Bu barədə Daxili İşlər Nazirliyi məlumat yayıb

Bildirilib ki, keçirilən əməliyyat nəticəsində Rövşən Qafarzadə Ələt-Astara avtomobil yolunun Lənkəran rayonu ərazisindən keçən hissəsində yaxalanıb. Onun üzərindən 22 kiloqram marixuana və 1240 ədəd metadon həbi aşkarlanıb.

Rövşən Qafarzadə narkotikləri sosial şəbəkələrdə tanış olduğu İran vətəndaşı Vəlixan adlı şəxsin göstərişi ilə Lənkəran rayonu ərazisindən əldə etdiyini bildirib. O, həmin narkotik maddələri götürüb, deyiləcək yerə qoyaraq bu narkokuryerlik müqabilində 3 min manat əldə edəcəkmiş.