Pleyeri seçin:
Mağazadan oğurluq edilib: 172 kq. ət, yağ və pendir
Xəbərlərimizi Google-da izləyin
Yeniliklərdən dərhal xəbərdar olun
Xətai rayonunda mağazadan oğurluq edilib.
Hadisə Qaçaq Nəbi 2 ünvanında yerləşən və Bayramov Sərxan Ələsgər oğluna məxsus ət dükanında baş verib.
Belə ki, oğrular gecə saatlarında mağazanın qapısını sındıraraq içəri daxil olublar.
Mağaza sahibinin sözlərinə görə, o, səhər saatlarında mağazaya gələrkən dükanın qapısının sındırıldığını, içərinin isə talan edildiyini görüb:
Sərxan Bayramov bildirib ki, oğrular mağazadan 144 kq mal, 28 kq quzu əti olmaqla, ümumilikdə 172 kq ət, yağ və pendir oğurlayıblar. Naməlum şəxslər içəridə olan təhlükəsizlik kamerasına tuş gəldiklərini gördükdə, təhlükəsizlik kamerası sındıraraq sistem blokunu da özləri ilə aparıblar:
Oğurluq hadisəsi isə yaxınlıqdakı binanın nəzarət kamerasına düşüb.
Zərərçəkən Sərxan Bayramovun sözlərinə görə, bu, onun dükanından edilən sayca 3-cü oğurluqdur.
Oğurluq hadisəsi barədə Xətai Rayon Polis İdarəsinə məlumat verilib.
Faktla bağlı istintaq işi açılıb, araşdırma aparılır.
Kamil Əmirli
Elşad Mətləboğlu
Kopyalandı
Seçilmişlər
