Hadisə
Pleyeri seçin:
Masallıda mübahisə qanla bitdi | Dəhşətli qətlin təfərrüatları
Masallıda kəndlilər arasında yaranan mübahisə ölümlə bitib. Hadisə rayonun Musaküçə kəndində baş verib.
Kənd sakini 28 yaşlı Nurlan Nuriyev 30 yaşlı Elnur Məmmədovun baş və bədəninin müxtəlif nahiyələrinə yumruq və təpiklə vuraraq ona çoxsaylı xəsarətlər yetirib.
Masallı Rayon Mərkəzi Xəstəxanasından bildirilib ki, Elnur Məmmədov ağır vəziyyətdə xəstəxanaya çatdırılıb. Aparılan reanimasiyon tədbirlərə baxmayaraq, onun həyatını xilas etmək mümkün olmayıb. Qeyd olunan hadisə ilə bağlı Rayon Prokurorluğunda cinayət işi açılıb.
Faktla bağlı Masallı Rayon Prokurorluğunda Cinayət Məcəlləsinin 126.3-cü (qəsdən sağlamlığa ağır zərǝr vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb. Nurlan Nuriyev qeyd olunan maddə ilə təqsirləndirilən şəxs qismində cəlb edilərək barəsində məhkəmənin qərarı əsasında həbs qətimkan tədbiri seçilib.
Hazırda ibtidai istintaq davam etdirilir.
Kopyalandı
Seçilmişlər
