Masallıda qətl hadisəsi baş verib

Mayın 7-də səhər saatlarında Masallının Təzə Alvadı kəndində qətl törədilib.

Kənd sakini 48 yaşlı Sədaqət Səfərova çoxsaylı bıçaq xəsarətləri nəticəsində dünyasını dəyişib. Daxil olan məlumat əsasında rayon hüquq-mühafizə orqanlarının əməkdaşları hadisə yerində olub.

Müəyyən edilib ki, Sədaqət Səfərova həyat yoldaşı 59 yaşlı Gülağa Bəndəliyev tərəfindən qətlə yetirilib. Qətli törədən Gülağa daha sonra özünə də xəsarətlər yetirdiyindən Masallı Rayon Mərkəzi Xəstəxanasına çatdırılıb. Həkimlər onun vəziyyətini orta ağır kimi qiymətləndirir.

Qeyd edək ki, dünyasını dəyişən S.Səfərova kənddəki marketlərin birində çalışırdı. Qətl də həmin marketin qarşısında, qadın işə gedən zaman baş verib.

Faktla bağlı Masallı Rayon Prokurorluğunda Cinayət Məcəlləsinin qəsdən adam öldürmə maddəsi ilə cinayət işi başlanıb.