Maşinist təcili qatarı dayandırsa da... | Azərbaycanda qandonduran hadisə

Astarada piyadanı qatar vurub.

Bu barədə “Azərbaycan Dəmir Yolları” QSC-dən məlumat verilib.

Bildirilib ki, bu gün saat 02:15 radələrində Astara–Qamışlıq sahəsində qatar hərəkətdə olarkən orta yaşlı kişi qəfil qatarın yoluna çıxıb. Maşinist tərəfindən təcili tormozlama aparılsa da, məsafə az olduğundan toqquşma qaçılmaz olub. İlkin məlumata görə, xəsarət alan şəxs xəstəxanaya yerləşdirilib.

“ADY bir daha insanlara çağırış edərək onları dəmir yolu xətlərini yalnız müəyyən edilmiş yer və piyada keçidlərindən keçməyə, həyatlarını riskə atacaq hərəkətlərdən çəkinməyə çağırır. Qaydalara riayət etmək hər bir vətəndaşın borcudur və onları pozmaq inzibati məsuliyyət yaradır. Unutmayın ki, yol həmişə qatarındır”, – məlumatda qeyd olunub.

Lənkəran Rayon Mərkəzi Xəstəxanasından verilən məlumata görə, xəsarət alan şəxsin bir ayağının barmaqları, digər ayağının topuqdan aşağı hissəsi amputasiya olunub. Hazırda onun müalicəsi xəstəxananın reanimasiya şöbəsində davam etdirilir. Vəziyyəti ağır qiymətləndirilir.