Maştağada qandonduran ölüm hadisəsi | Qohum elə şeylər danışdı ki...

Noyabrın 28-i axşam saatlarında Maştağa qəsəbəsində oğul anasını qətlə yetirib.

Qohumlarının verdiyi məlumata görə, qətlə yetirilən qadın oğlanın ögey anası olub.

“Rəhmətə gedən qadın uşaqlıqdan ona analıq edib, öz övladı kimi böyüdüb. Əmisi oğlanı öz himayəsinə götürmüşdü. Pis vərdişləri var idi. Gəlin neçə gün idi ki, bizdə qalırdı, oğlanın onu öldürəcəyindən qorxurdu. Axşam yoldaşı ilə evə qayıdanda əri hamama əlini yumağa gedib. Oğlan da qəfildən əlində bıçaqla girib, qadının şah damarına xəsarət yetirib. O da yerindəcə keçinib”, – mərhumun qohumu deyib.

Baş Prokurorluqdan bildirilib ki, araşdırmalarla 1997-ci il təvəllüdlü Qasım Məmmədovun aralarında yaranmış mübahisə zamanı bıçaqla xəsarət yetirərək ögey anası İlhamə Məmmədovanı qəsdən öldürməsinə əsaslı şübhələr müəyyən edilib.

Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, Qasım Məmmədov şübhəli şəxs qismində tutulub. İbtidai istintaq davam etdirilir.