Naxçıvanda ağır qəzada yaralananların son durumu açıqlandı

Naxçıvan-Şahbuz magistralında ağır yol qəzası baş verib.

Hadisə Babək rayonunun Vayxır kəndi ərazisində qeydə alınıb.

“Niva” markalı avtomobillə “Hyundai” markalı avtomobil toqquşub. Hadisə nəticəsində “Niva”da olan Zərifə Əliyeva, Məhəmməd Əhmədov və Mütəllim Əliyev ölüb. Pərvin Əhmədov isə ağır bədən xəsarətləri alıb.

Digər avtomobildə olan 3 sərnişin – Qüdrət Mahmudov, Qəşəm Mahmudov və Seyfəli Mahmudov ağır yaralanıb. Onlar Naxçıvan Mərkəzi Xəstəxanasına yerləşdiriliblər, müalicələri davam etdirilir.

Qeyd edək ki, dəhşətli yol-nəqliyyat hadisəsi zamanı vəfat edən 3 nəfər Şahbuz rayonu, Nursu kənd qəbiristanlığında dəfn olunublar. Faktla bağlı araşdırma aparılır.