Hadisə
Pleyeri seçin:
Naxçıvandan gələn avtobus qəzaya düşdü | Hadisənin təfərrüatı
Biləsuvarda üç avtomobilin iştirakı ilə qəza hadisəsi baş verib.
İran vətəndaşı Əsxər Balazadənin idarə etdiyi və Naxçıvan-Bakı istiqamətində hərəkət edən sərnişin avtobusu Biləsuvar sakini Rasim Bayramovun idarə etdiyi betonqarışdıran yük maşınına çırpılıb.
Bu zaman betonqarışdıran texnikanın üzərindəki kiçiktutumlu çən düşərək zərblə yol qırağında dayanan və Biləsuvar sakini Müşviq Yadigarova məxsus “VAZ 2106” markalı avtomobilə çırpılıb. Nəticədə minik avtomobilinin yan hissələri əzilib.
Daxili İşlər Nazirliyinin Mətbuat Xidmətinin əməkdaşı Məhəmməd Rzayevin sözlərinə görə, ilkin məlumata əsasən, baş vermiş qəza nəticəsində avtobusda olan bir sərnişin xəsarət alıb. Hadisə ilə bağlı araşdırmalar davam etdirilir.
Qeyd edək ki, qəza nəticəsində xəsarətalan sərnişin – Naxçıvan şəhər sakini, 1977-ci il təvəllüdlü Təhminə Ələcova Biləsuvar Rayon Mərkəzi Xəstəxanasının Reanimasiya şöbəsinə yerləşdirilib.
Kopyalandı
Seçilmişlər
