Pleyeri seçin:
Nazirliyin partlayış baş verən zavodunda ən son vəziyyət | Şirvan
Müdafiə Sənayesi Nazirliyinin Şirvanda yerləşən Araz zavodunda partlayış baş verib, 3 nəfər xəsarət alıb. Yaralılar Şirvan Şəhər Mərkəzi Xəstəxanasına çatdırılıblar.
Baş Prokurorluqdan bildirilib ki, ilkin araşdırmalarla hadisə nəticəsində 3 nəfərin – 1992-ci il təvəllüdlü Elçin Babayev, 2001-ci il təvəllüdlü İsmayıl Muradov və 1999-cu il təvəllüdlü Məhəmməd İmanovun müxtəlif dərəcəli bədən xəsarətləri alması müəyyənləşdirilib.
Hazırda prokurorluq əməkdaşları tərəfindən hadisə yeri müayinə olunur və digər zəruri prosessual hərəkətlər yerinə yetirilir.
Hadisənin zavodun sexlərindən birində minaatan silahın 120 millimetrlik mərmisinin çəkiclə vurularaq sıxılması nəticəsində baş verməsi ehtimal edilir.
Faktla bağlı Şirvan Şəhər Prokurorluğunda araşdırma aparılır.
Kopyalandı
Seçilmişlər
