Pleyeri seçin:
Nərminin qatilinə hökm oxundu | İlkin Süleymanov məhkəmədə nə xahiş etdi?
Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovla bağlı hökmdən verilən apellyasiya şikayəti üzrə məhkəmə prosesi keçirilib.
Gəncə Apellyasiya Məhkəməsində hakim Rafiq Cəfərovun sədrliyi ilə keçirilən prosesdə əvvəlcə İlkin Süleymanovun vəkilləri çıxış edib. Vəkillər məhkəmədən İlkin Süleymanova bəraət istəyiblər.
Daha sonra İlkin Süleymanov çıxış edərək günahsız olduğunu əsas gətirib. İlkin məhkəmədən onun barəsində bəraət hökmünün çıxarılmasını xahiş edib. Sonda məhkəmə apellyasiya şikayətini təmin etməyib və Gəncə Ağır Cinayətlər Məhkəməsinin hökmü qüvvədə saxlanıb.
Qeyd edək ki, İlkin Süleymanov Gəncə Ağır Cinayətlər Məhkəməsinin hökmü ilə 18 il müddətinə azadlıqdan məhrum edilib.
Kopyalandı
Seçilmişlər
