Nəsiman Yaqublunun ölümü ilə bağlı təfərrüatlar ortaya çıxdı

Cəbrayıl rayonu ərazisində sürücü Nəsiman Yaqublu “Nissan” markalı avtomibillə hərəkətdə olan zaman idarəetməni itirərək nəqliyyat vasitəsini yol kənarına aşırıb.

Bu barədə Daxili İşlər Nazirliyindən bildirilib.

Qeyd olunub ki, N.Yaqublu müxtəlif dərəcəli bədən xəsarətləri alaraq xəstəxanaya çatdırılıb. Tibbi müdaxilələrə baxmayaraq, onun həyatını xilas etmək mümkün olmayıb.

Faktla bağlı Cəbrayıl Rayon Polis Şöbəsində Cinayət Məcəlləsinin 263.2-ci maddəsi ilə cinayət işi başlanılıb, istintaq aparılır.