Oğruların səsi gəldi, amma... | Gəncədə həm evi soydular, həm də ev sahibini...

Gəncədə fərdi yaşayış evinə oğurluq məqsədilə gələn şəxslər ev sahibi, 52 yaşlı Qayday İbrahimova qolundan xəsarət yetiriblər.

Zərərçəkənin həyat yoldaşının sözlərinə görə, evdə daha əvvəl 2 dəfə oğurluq hadisəsi törədilib.

Çağırılmamış qonağın növbəti dəfə gələcəyini ehtimal edən ev sahibi onlardan qorunmaq üçün yanında taxta parçası saxlayırmış.

“Qardaşımın evindən 3 il bundan qabaq da oğurluq etmişdilər. Polis əməkdaşlarına məsələ ilə bağlı müraciət edilib, lakin buna baxmayaraq, yenidən eyni hadisə yaşandı. Çox xahiş edirəm, bu işə baxılsın, belə olmaz. Bu, 3-cü oğurluqdur, təxminən 2500-3000 manat dəyərində qızılları itib”, − zərərçəkənin qardaşı deyib.

Daxili İşlər Nazirliyindən verilən məlumata görə, hazırda məsələ ilə bağlı Gəncə Şəhər Baş Polis İdarəsində araşdırma aparılır, müvafiq ekspertizalar təyin olunub. Araşdırmaların nəticəsindən asılı olaraq məsələyə hüquqi qiymət veriləcək.