Oğul birlikdə yaşadığı atasını qətlə yetirdi

Şirvanda oğul atasını öldürüb.

Hadisə şəhərin Süleyman Bağırov küçəsində yerləşən binanın 2-ci mərtəbəsində baş verib.

Aralarında yaranan mübahisə zəminində 44 yaşlı Seymur Şərifov atası, 74 yaşlı Allahverdi Şərifova 10-dan çox bıçaq zərbəsi vuraraq qətlə yetirib.

Qonşularının sözlərinə görə, oğul və atası içki aludəçisi olublar.

Şirvan Şəhər Prokurorluğundan bildirilib ki, qətl hadisəsi ilə bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Seymur Şərifov iş üzrə şübhəli şəxs qismində tutulub.