Pleyeri seçin:
Oyanıb gördüm ki, başımın üstündədir | Atanın oğluna silahlı hücumunun detalları üzə çıxdı
Xəbərlərimizi Google-da izləyin
Yeniliklərdən dərhal xəbərdar olun
Qusarda ata öz oğlunu güllələyib.
Hadisə rayonun Hil kəndində baş verib. Belə ki, 83 yaşlı Sərkar Duraxanov övladı, 23 yaşlı İsrafil Duraxanova yatdığı yerdə odlu silahla 2 dəfə atəş açıb.
Yaralı Qusar Rayon Mərkəzi Xəstəxanasına çatdırılıb, ata isə şübhəli şəxs qismində tutulub.
Xəsarətalan İsrafil Duraxanov hadisə barədə Baku TV-yə danışıb. O, atasını bağışladığını deyib:
“Yatmışdım, bir də səhərə yaxın səs eşitdim, ayılıb gördüm ki, atam başımın üstündədir. Qoca kişidir, Allah bilir, ağlına nə fikir gəlib. Qaça-qaça pilləkənlərdən aşağı düşdüm, vurulmuşdum. Əski ilə qolumu, ayağımı bağladım ki, qan itməsin. Həkimə zəng etdim. Qonşu sağ olsun, kömək etdi. Evdə söz-söhbətlər olub, həll etmişik. Nə də olsa, atadır, bağışlayıram”.
Faktla bağlı Qusar Rayon Prokurorluğunda Cinayət Məcəlləsinin qəsdən adam öldürməyə cəhd maddəsi ilə cinayət işi başlanılıb. Sərkar Duraxanov iş üzrə şübhəli şəxs qismində tutulub.
Kopyalandı
Seçilmişlər
