PFL əməkdaşlarının düşdüyü qəzada yaralıların sayı açıqlandı

Peşəkar Futbol Liqasının əməkdaşları Ağdam rayonunda qəzaya düşüblər.

"Report"un məlumatına görə, hadisə Birinci Dördyol qəsəbəsində baş verib. “Mercedes” markalı mikroavtobusun yol kənarındakı maneəyə çırpılması nəticəsində 6 nəfər – Peşəkar Futbol Liqasının prezidenti 49 yaşlı Elxan Səmədov, vitse-prezidenti 42 yaşlı Aslan Şahgəldiyev, qurumun mətbuat katibi 39 yaşlı Sənan Abdullayev, eləcə də Peşəkar Futbol Liqasının digər əməkdaşları 41 yaşlı Rasim Qafarlı, 33 yaşlı Elgiz Abbasov və 42 yaşlı Zaur Hacıməhərrəmov xəsarət alıb.

TƏBİB-dən bildirilib ki, xəsarət alan 6 nəfər Bərdə Rayon Mərkəzi Xəstəxanasına, oradan isə Bakıda yerləşən tibb müəssisələrindən birinə çatdırılıb. Onlardan ikisinin vəziyyəti ağır, ikisinin vəziyyəti orta ağır, ikisinin vəziyyəti isə stabil qiymətləndirilir. Xəsarətlərinin ciddiliyi nəzərə alınaraq Elxan Səmədov Türkiyəyə aparılıb.

Hazırda faktla bağlı araşdırma aparılır.