Qardaş və bacı arasındakı dava ölümlə bitdi | Sakinlər hər şeyi danışdı

Bakıda gənc qız boğularaq öldürülüb.

Hadisə iyulun 1-i səhər saatlarında Binəqədi rayonu, Rəsulzadə qəsəbəsində qeydə alınıb.

27 yaşlı Təhminə Qasımovanın qardaşı, 20 yaşlı Təbriz Qasımovla aralarında baş vermiş mübahisə nəticəsində qətlə yetirildiyi deyilir.

Qətlə yetirilən Təhminə Qasımova məişət əşyaları satılan mağazada satıcı vəzifəsində çalışırdı.

Verilən məlumata görə, onu gecə saat 2 radələrində qardaşı iş çıxışı zamanı qarşılayıb və birlikdə evə gediblər.

Qonşuların sözlərinə görə, qardaşı anası və bacısı ilə tez-tez mübahisə edirmiş.

“Təhminə on gün əvvəl kirayə ev istədiyini dedi. Anası ilə başqa evə köçmək istəyirdi. Qardaşı onunla, anası ilə yola getmirdi. Bacısına deyirdi ki, sizi öldürəcəyəm”, – mərhumun tanışı deyib.

Qətli törətməkdə şübhəli bilinən Təbriz Qasımov polisə könüllü təslim olub. Hadisə ilə bağlı istintaq aparılır.