Qaxda avtomobil təmiri sexlərində güclü yanğın baş verdi

Qaxda altı avtomobil təmiri sexinin olduğu ərazidə yanğın baş verib. Hadisə şəhərin Xurşidbanu Natəvan küçəsində qeydə alınıb.

Əraziyə Fövqəladə Hallar Nazirliyinin texnikaları və şəxsi heyəti cəlb olunub.

Hadisə zamanı avtomobil təmiri sexinin biri tamamilə, digəri isə qismən yanıb. Bir avtomobil və yaxınlıqdakı tikililər yanğından mühafizə olunub.

Faktla bağlı araşdırma aparılır.