Qəbələdə ağır qəza: 16 yaralı

Qəbələdə ağır yol qəzası baş verib. Hadisə rayonun Nohurqışlaq kəndi ərazisində qeydə alınıb.

Qəbələ şəhər sakini 1989-cu il təvəllüdlü Cəlilov Ramin Sahib oğlunun idarə etdiyi “Mitsubishi” markalı minik avtomobili ilə Şəki şəhər sakini 1970-ci il təvəllüdlü Əsədov Xalid Rza oğlunun idarə etdiyi “Mercedes” markalı mikroavtobus toqquşub.

Hadisə ilə bağlı TƏBİB məlumat yayıb. Bildirilib ki, Qəbələdə baş verən yol-nəqliyyat hadisəsi ilə əlaqədar TƏBİB-in tabeliyindəki “103” Təcili və Təxirəsalınmaz Tibbi Yardım Stansiyasının həkim briqadaları əraziyə cəlb ediliblər:

"Hadisə nəticəsində xəsarət alan 16 nəfər TƏBİB-in tabeliyindəki Qəbələ Rayon Mərkəzi Xəstəxanasına yerləşdirilib. Hazırda vəziyyəti ağır olan 3 nəfərin müalicəsi tibb müəssisəsinin reanimasiya şöbəsində, vəziyyətləri orta ağır qiymətləndirilən 12 nəfərin müalicəsi isə təcili tibbi yardım şöbəsində davam etdirilir”.

Qeyd edək ki, xəsarət alanlardan birinin vəziyyəti yüngül olduğundan ilkin yardım göstərilərək evə buraxılıb. Faktla bağlı araşdırma aparılır.