Qobustanda dəhşətli qəza | Hadisə yerindən ən son görüntülər

Qobustanda ölümlə nəticələnən qəza baş verib.

Belə ki, Bakıdan Şamaxı istiqamətdə hərəkətdə olan sürücü, Ağsu rayon sakini 41 yaşlı Radim Heydərov bir anda idarəetməni itirib. Yoldan çıxan avtomobil aşaraq deformasiyaya uğrayıb.

Qəza nəticəsində sərnişin, Ağsu rayon Daşdəmirbəyli kənd sakini, 44 yaşlı Bəhruz Xəlilov aldığı xəsarətlərdən dünyasını dəyişib. Sürücü və onun 17 yaşlı qızı Nazənin Heydərli Qobustan Rayon Mərkəzi Xəstəxanasına yerləşdirilib.

Faktla bağlı cinayət işi başlanılıb, araşdırmalar aparılır.