Qonaqlıqdan qayıdan ailə dəhşət yaşadı | Salyandakı ağır qəzanın təfərrüatı

Salyanın Seyidlər kəndində baş verən ağır qəza ilə bağlı bəzi detallar məlum olub.

Sürətlə hərəkət edən “Mercedes” idarəetmədən çıxaraq yolun kənarındakı kollektora aşıb.

Avtomobildə olan 6 nəfərdən 4-ü həyatını itirib. Nərmin İsmayılova, onun iki azyaşlı övladı Rza və Hüseyn İsmayılovlar suda boğularaq ölüblər. Avtomobili idarə edən İsmayılovların qohumu 32 yaşlı Aqil Məmmədov isə hadisə anında həyatını itirib.

Ailənin digər 2 üzvü Elşən İsmayılov və onun 3 yaşlı oğlu Vüqar İsmayılzadə müvafiq qurumlar tərəfindən xilas edilərək Salyan Rayon Mərkəzi Xəstəxanasına çatdırılıblar.

Kənd sakinlərinin məlumatına görə, qəzaya düşənlər qonaqlıq mərasimindən qayıdırmışlar.

Məlumata görə, həlak olan Aqil Məmmədov Salyan Rayon İcra Hakimiyyətinin Sosial iqtisadi inkişafın təhlili və proqnozlaşdırılması şöbəsinin baş məsləhətçisi idi.

Qəzanın dəqiq baş vermə səbəbləri araşdırılır.