"Ən ağır cəza verilsin!” | Amansızlıqla öldürülən 3 uşaq anasının yaxınları fəryad etdi - Baku TV

Qusarda qətl hadisəsi baş verib.

Dekabrın 16-sı səhər saatlarında rayonun Hil kəndinin ərazisində yerləşən evdə kənd sakini 32 yaşlı Diana Təyibovanın üzərində zorakılıq əlamətləri olan meyiti tapılıb.

Araşdırmalarla D.Təyibovanın keçmiş əri, kənd sakini 1990-cı il təvəllüdlü Asif Oleq oğlu Təyibov tərəfindən öldürülməsinə əsaslı şübhələr yaranıb. Onun münaqişə zəminində keçmiş arvadını boğduğu və qayçı ilə boğaz nahiyəsinə vuraraq öldürdüyü bildirilib.

Hadisə barədə danışan qohumlardan biri deyib ki, qadının meyiti kənddəki boş evlərdən birində tapılıb: “Boğazını qayçı ilə kəsib. Ağzı, əl-ayağı da bağlanıbmış”.

“Düşmən də bunu etməz, can verməyə qoymayıb”, – deyə mərhumun başqa bir yaxını bildirib.

Qətlə yetirilən qadının anası isə cinayəti törədən şəxsə ən ağır cəza verilməsini istəyib.