Hadisə
Pleyeri seçin:
DİN "Instagram"da 1500 manata heroin satan şəxsi saxladı
Mingəçevir Şəhər Polisinin keçirdiyi əməliyyat nəticəsində narkotik vasitələrin və psixotrop maddələrin qanunsuz dövriyyəsi ilə məşğul olan şəhər sakini, əvvəllər də analoji cinayət əməlinə görə məhkum olunan Hilal Əsgərov saxlanılıb.
Verilən məlumata görə, saxlanılan şəxsin üzərindən 120 qramdan artıq heroin və külli miqdarda metamfetamin aşkar edilərək götürülüb. O, ifadəsində həmin narkotik vasitəni 1500 manat qarşılığında “Instagram” sosial şəbəkəsində tanış olduğu iranlı narkotacirdən əldə etdiyini bildirib.
Qaçaqmalçılıq yolu ilə ölkəyə göndərilən narkotiki götürmək üçün paytaxta gedən Hilal Əsgərov ona deyilən ərazidən bağlamanı götürərək Mingəçevir şəhərinə qayıdıb. Burada isə polis əməkdaşları tərəfindən yaxalanaraq istintaqa təhvil verilib.
Saxlanılan şəxslə bağlı əməliyyat-istintaq tədbirləri davam etdirilir. Məhkəmənin qərarı ilə onun barəsində həbs qətimkan tədbiri keçirilib.
Kopyalandı
Seçilmişlər
