"Qadınları satıb, pul qazanardı" : Bakıda qadın yumruqla qətlə yetirildi

Bakıda kişi qonşusunu yumruqla vuraraq öldürüb.

Belə ki, oktyabrın 30-da saat 23 radələrində 1969-cu il təvəllüdlü Sayruz Hidayət oğlu Səttərov aralarında yaranmış mübahisə nəticəsində qonşuları – Bakı şəhəri, Nəsimi rayonu, Ağadadaş Qurbanov küçəsi, 21 ünvanında kirayədə yaşayan 1959-cu il təvəllüdlü Marina Yevgenyevna Çabanova və qızı 1987-ci il təvəllüdlü Nərminə Mayis qızı Vəliyevanın sifət nahiyələrinə yumruqla xəsarətlər yetirmiş və həmin xəsarətlərin təsirindən huşunu itirən Marina Çabanova oktyabrın 31-də saat 9 radələrində ayıldıqdan sonra qızı Nərminə Vəliyevanı yataq otağında döşəmənin üzərində ölmüş vəziyyətdə aşkar edib.

Qonşular təqsirləndirilən şəxsin əxlaqdan kənar əməllərlə məşğul olduğunu bildiriblər: “Sayruz buranı pozğunxana etmişdi. O, bura gətirdiyi qadınları sataraq pul qazanırdı. Hamısı narkoman idi. Ofisimin qarşısından nə qədər narkoman durğuzmuşam”.

Faktla bağlı Cinayət Məcəlləsinin 126.3-cü maddəsi ilə cinayət işi başlanıb, Sayruz Səttərov şübhəli şəxs kimi tutulub.