"Sabunçu bazarı"nda baş verən yanğının təfərrüatı

Sabunçu rayonunda “Sabunçu bazarı” adlanan ərazidə yanğın baş verib.

Fövqəladə Hallar Nazirliyinin yaydığı məlumata görə, yanğın bazar ərazisində bir-birinə bitişik tikilmiş müxtəlif təyinatlı obyektlərdə baş verib.

Yanğınsöndürənlər tərəfindən həyata keçirilən zəruri və təxirəsalınmaz tədbirlər sayəsində baş vermiş yanğın genişlənərək daha böyük sahəyə yayılmasına imkan verilmədən qısa müddətdə söndürülüb.

Yanğın nəticəsində bazar ərazisində ümumi sahəsi 2000 kvadratmetr olan bir dam altında tikilən birmərtəbəli müxtəlif təyinatlı obyektlərdən ümumi sahəsi 130 kvadratmetr olan avtomobil təmiri sexinin yanar konstruksiyaları və içərisində təmirə dayanan “Mercedes” markalı minik avtomobili, ümumi sahəsi 100 kvadratmetr olan kafenin və hər birinin sahəsi 10 kvadratmetr olan kişi bərbərxanasının, avtomobil ehtiyat hissələrinin satışı mağazasının yanar konstruksiyaları ümumilikdə 250 kvadratmetr sahədə yanıb.

Bitişik, o cümlədən bazar ərazisindəki digər obyektlər, park edilmiş avtomobillər yanğından mühafizə olunub.