Qusarda 3 qardaş zəhərləndi: iki nəfər öldü

Qusarda 3 qardaş qidadan zəhərlənib.

Onlardan ikisi – Cəlilabad rayon sakinləri, 47 yaşlı Sabir və Sakit Zeynalovlar dünyalarını dəyişiblər. Digər qardaş – 43 yaşlı Şamil Zeynalov isə ağır vəziyyətdə Qusar Rayon Mərkəzi Xəstəxanasına çatdırılıb. Xəstəyə zəruri tibbi yardım göstərildikdən sonra vəziyyəti stabilləşib, orta-ağır qiymətləndirilir.

Qardaşların yaxınlarının sözlərinə görə, onlar bir neçə gün öncə Qusar rayonuna işləmək məqsədilə gəliblər. Qardaşların hansı qidadan zəhərləndikləri hələlik məlum deyil. Faktla bağlı araşdırmalara başlanılıb.