Qusarda dəm qazı faciəyə səbəb oldu | Zəhərlənənlər arasında ölən var - Baku TV

Qusar rayonunda 3 nəfər dəm qazından zəhərlənib. Hadisə yanvarın 7-də gecə saatlarında baş verib.

1962-ci il təvəllüdlü Riman Əlisultanov, həyat yoldaşı 1965-ci il təvəllüdlü Əntiqə Qasımova və nəvəsi 2025-ci il təvəllüdlü Emin Əlisultanov yaşadıqları Əniq kəndindəki evdə dəm qazından zəhərləniblər. R.Əlisultanov hadisə yerində ölüb.

Xəstəxanaya yerləşdirilən Ə.Qasımovaya və E.Əlisultanova dəm qazının toksiki təsiri diaqnozu təyin olunub və zəruri tibbi xidmətlər göstərilib.

1965-ci il təvəllüdlü şəxsin müalicəsi Təcili tibbi yardım şöbəsində davam etdirilir, vəziyyəti stabil qiymətləndirilir.

Vəziyyəti qənaətbəxş qiymətləndirilən 2025-ci il təvəllüdlü şəxs yaxınlarının istəyi ilə iltizamnamə əsasında ixtisaslı tibbi xidmətdən imtina edib.

Faktla bağlı Qusar rayon prokurorluğunda araşdırma aparılır.