Sabunçu bazarında yanğın baş verib

Sabunçu rayonunda yanğın hadisəsi baş verib.

İlkin məlumata görə, Sabunçu bazarında yerləşən telefon aksesuarları satılan mağazada elektrik naqillərinin həddən artıq yüklənməsi yanğına səbəb olub.

Alovlar qısa zamanda mağazaya bitişik aptekə və digər tikililərə keçib.

Əraziyə FHN-in Sabunçu və Nizami rayonları üzrə Yanğından Mühafizə Xidmətinin 5 ədəd texnikası və canlı qüvvəsi cəlb edilib.

Sabunçu bazarında olan aptekin sahibəsi Səma xanım Baku TV-yə açıqlamasında bildirib ki, yanğın ilk olaraq telefon aksesuarlarının satıldığı mağazadan başlayıb:

Hadisə nəticəsində bazar ərazisində ümumi sahəsi 20 m² olan anbarın və hər birinin sahəsi 40 m² olan müxtəlif təyinatlı 2 mağazanın yanar konstruksiyaları yanıb.

Əraziyə cəlb olunan yanğınsöndürmə briqadaları alovları söndürüb, yaxınlıqdakı tikililər və ətraf ərazilər yanğından mühafizə olunub.

Hadisənin təfərrüatı araşdırılır.

Kamil Əmirli

Elşad Mətləboğlu