Sabunçuda narkokuryerlərin "yuva"sına polis basqını

 Bakıda saxlanılan narkokuryerlərdən iki kiloqram narkotik vasitə və 830 ədəd metadon həbi götürülüb.

Daxili İşlər Nazirliyindən bildirilib ki, polis əməkdaşlarının keçirdikləri tədbirlərlə narkotiklərin qanunsuz dövriyyəsi ilə məşğul olan Əfsun İbrahimli və İbrahim Abıyev saxlanılıb.

Həmin şəxslərdən və mənzillərdən iki kiloqrama yaxın marixuana, metamfetamin, psixotrop tərkibli 830 ədəd metadon həbi və narkotiklərin satışında istifadə etdikləri iki ədəd elektron tərəzi aşkarlanıb.

Dindirmə zamanı saxlanılanlar şəxsiyyəti istintaqla araşdırılan İran vətəndaşı tərəfindən narkokuryerliyə cəlb olunduqlarını bildiriblər. İstintaq tədbirləri davam etdirilir.