Sabunçuda qandonduran hadisə | Qətlə yetirilən şagird barədə Baş Prokurorluqdan açıqlama

Paytaxtın Sabunçu rayonu ərazisində 16 yaşlı yeniyetmə həmyaşıdı tərəfindən kəsici alətlə qətlə yetirilib.

Sabunçu Rayon Prokurorluğundan bildirilib ki, oktyabrın 2-də yetkinlik yaşına çatmayan şəxsin almış olduğu xəsarətdən müalicə aldığı xəstəxanada ölməsi barədə Rayon Prokurorluğuna məlumat daxil olub.

Araşdırmalarla yetkinlik yaşına çatmayan həmin şəxsin Zabrat qəsəbəsi ərazisində aralarında yaranmış mübahisə zamanı digər yetkinlik yaşına çatmayan şəxsin bıçaqla bud nahiyəsinə xəsarət yetirməsi nəticəsində sonuncunun xəstəxanada ölməsinə əsaslı şübhələr müəyyən edilib.

Faktla bağlı Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb. Yetkinlik yaşına çatmayan həmin şəxs iş üzrə şübhəli şəxs qismində tutulub.

Hazırda ibtidai istintaq davam etdirilir.